Za padryŭ Krymskaha mosta vosiem čałaviek atrymali pažyćciovaje. Usie kažuć, što ni pry čym
Paŭdniovy akruhovy vajenny sud u Rastovie-na-Donie vynies prysud vaśmiarym fihurantam spravy ab vybuchu na Krymskim moście ŭ kastryčniku 2022 hoda. Jak paviedamlaje «Miedyjazona», usie vosiem abvinavačanych byli prysudžany da pažyćciovaha pazbaŭleńnia voli — mienavita takoje pakarańnie zaprašvała abvinavačańnie. Usie abvinavačanyja svaju vinu nie pryznali.
Asudžanym — siarod jakich šaściora pradprymalnikaŭ, fiermier i dalnabojščyk — byli inkryminavanyja artykuły ab terarystyčnym akcie i pieravozcy vybuchoŭki, a dvum fihurantam — jašče i kantrabanda vybuchoŭki.
Sprava razhladałasia ŭ zakrytym režymie.
Pavodle viersii śledstva, abvinavačanyja dapamahli ŭkrainskim śpiecsłužbam arhanizavać padryŭ hruzavika z vybuchoŭkaj na Krymskim moście, u vyniku čaho zahinuli piać čałaviek.
Usie abvinavačanyja svaju vinu nie pryznali. Jany nastojvali, što zajmalisia svajoj zvyčajnaj pracaj i nie viedali ab schavanaj u hruzaviku vybuchoŭcy.
Kiraŭnik SBU Vasil Maluk raniej raspaviadaŭ, što ŭkrainskija siłaviki vykarystoŭvali ludziej uślapuju.
Adnak prakuror nastojvaŭ na złačynnaj zmovie: «Usie padsudnyja byli zaadno i vydatna razumieli i ŭśviedamlali, što jany robiać i dla čaho».
-
Z-za pretenzij Trampa na Hrenłandyju ŭ dackim uradzie źjaviŭsia asablivy načny vartaŭnik
-
«My prosta chočam dadomu». Paŭdniovaafrykaniec raskazaŭ, jak dačka eks-prezidenta Zumy padmanam zavierbavała jaho vajavać va Ukrainie na baku Rasii
-
Manachiniam, jakija źbiehli z doma sastarełych u svoj manastyr, dazvolili zastacca tam pry ŭmovie, što jany pakinuć sacsietki
Ciapier čytajuć
Pamiatajecie niemaładoha aktyvista, jaki pa duraści źniaŭsia ŭ prapahandysckim kino BT? U Polščy jon ulapaŭsia jašče i ŭ špijanaž3
Kamientary