Z «pamiłavanaha» ksiandza Hienrycha Akałatoviča chočuć spahnać vializny štraf
Bolš za tydzień minuŭ paśla vyzvaleńnia praz pamiłavańnie Łukašenkam palitźniavolenych biełaruskich katalickich śviataroŭ — Hienrycha Akałatoviča i Andžeja Juchnieviča. Abodva ksiandza ciapier u Vatykanie, ale pieraśled ich u Biełarusi nie spyniajecca, piša Katolik.life.
Vierniki daviedalisia, što ksiandza Hienrycha Akałatoviča čakaje novy sud u Biełarusi. Havorka idzie pra zabaronu jamu vyjezdu za miažu, niahledziačy na toje, što jon užo znachodzicca za miežami krainy. Sud u Baranavickim rajonie pryznačany na 2 śniežnia.
Pryčynaj abmiežavańnia staŭ vialiki doŭh, prypisany śviataru. Raniej, pa abvinavačvańni ŭ «zdradzie dziaržavie», jaho asudzili na 11 hadoŭ pazbaŭleńnia voli i abaviazali vypłacić škodu dziaržavie ŭ pamiery 1,7 miljona rubloŭ (prykładna 500 tysiač jeŭra). U suviazi z hetym byŭ nakładzieny aryšt na majomaść i bujnyja sumy hrošaj, znojdzienyja pry zatrymańni. Viadoma, adnak, što majomaść naležyć parafii, a bolšaja častka hrošaj — svajakam śviatara, a nie jamu asabista.
Usio heta vyhladaje dziŭna, bo aficyjna paviedamlałasia pra pamiłavańnie ksiandza Akałatoviča. Vychodzić, što «pamiłavańnie» było tolki častkovym i nie zakranuła finansavyja abaviazki.
Abodva vyzvalenyja ksiandzy pakul zastajucca ŭ Vatykanie, suviazi ź imi niama — jany nie mohuć kantaktavać z presaj i ŭdzielničać u aficyjnych sustrečach. Na apošniaj hienieralnaj aŭdyjencyi Papy Rymskaha pierad jaho pajezdkaj u Turcyju biełaruskija śviatary zaŭvažanyja nie byli.
Ciapier čytajuć
Pamiatajecie niemaładoha aktyvista, jaki pa duraści źniaŭsia ŭ prapahandysckim kino BT? U Polščy jon ulapaŭsia jašče i ŭ špijanaž9
Kamientary
A zaraz pieraabuŭsia i vinavacić biełarusaŭ za toje, ŭva što sam ulapaŭsia.
Sutnaść jaho prapahandy - drenna prychavany rasizm. Bo ŭsie złačynstvy Łukašenki i karnikaŭ jon pryviazvaje da nibyta nieadjemnych jakaściej biełaruskaha narodu, "Etnasu", "Kalektyŭnaj Dušy".
Jaki miechanizm zachavańnia drennych jakaściej u biełarusach, nie raskazvaje. Bo kab nie tolki adkazać na hetaje pytańnie, a navat zrazumieć jaho klučavuju važnaść dla ŭsioj "teoryi", patrebny minimalnaja łohika i navukovy padychod.
U ciemrašałaŭ-rasistaŭ usio praściej: naradziŭsia "niapravilnaj" nacyjanalnaści - zahadzia vinavaty.
Toje, što jon piša, kłasifikujecca ŭ bolšaści krain śvietu jak kryminalnaje złačynstva - raspalvańnie mižnacyjanalnaj varožaści.