Sinoptyk Dźmitryj Rabaŭ u efiry telekanała ANT raskazaŭ, ci pryjdzie ŭ Biełaruś zima dakładna pavodle kalendara — u pieršyja dni śniežnia, z 1‑ha pa 7‑je čysła.
Pa słovach Dźmitryja Rabava, nadvorje pakul «visić» pamiž vosieńskimi daždžami i zimovymi zaviejami. Atłantyčnyja cykłony ŭsio čaściej prynosiać chałodnaje i vilhotnaje pavietra, ale sapraŭdnaja zima ŭsio ž nie śpiašajecca.
Pieršy tydzień śniežnia budzie vielmi padobny da ŭsiaho listapada: ciopłaje paŭdniova-zachodniaje pavietra, tempieratura na 1—3 hradusy vyšejšaja za normu, apadkaŭ mała.
U paniadziełak i aŭtorak Biełaruś apyniecca pad upłyvam bujnoha antycykłona, centr jakoha budzie nad Siaredniaj Vołhaj. Na jaho zachodniaj uskrainie budzie trymacca vobłačnaje nadvorje z prajaśnieńniami, istotnych apadkaŭ nie prahnazujecca. Miescami mahčymyja tumany, słaby hałalod i ślizkija darohi. Tempieratura nočču ad —2 da +3, udzień: u paniadziełak +1…+5, u aŭtorak +1…+6.
U siaredzinie tydnia ŭpłyŭ antycykłona praciahniecca, tamu istotnych apadkaŭ taksama nie čakajecca, ale tumany i ślizkaść na darohach mahčymyja. Nočču ŭ sieradu budzie —1…+4, udzień +2…+5.
U druhoj pałovie tydnia nadvorjem budzie kiravać ustojlivy antycykłon. U bolšaści rajonaŭ — biez apadkaŭ. Tempieratura nočču kala 0, udzień u čaćvier i piatnicu — da +5.
Pieršyja śniežańskija vychadnyja taksama buduć adnosna spakojnymi: vysoki atmaśfierny cisk, małaaktyŭnyja franty i nievialikija karotkačasovyja apadki. Nočču budzie —2…+4, udzień u subotu i niadzielu +1…+5.
Zima pa kalendary, takim čynam, pačniecca, ale sapraŭdnych marazoŭ i śniehapadaŭ u hety pieryjad čakać jašče nie varta.
Ciapier čytajuć
Pamiatajecie čynoŭnika, jakoha kreatyŭna admazali ad zabojstva čałavieka na palavańni? Jon admazaŭsia znoŭ4
Kamientary