Jano aznačaje razdražnialny, pravakacyjny ci abraźlivy kantent, jaki naŭmysna pryznačany dla taho, kab vyklikać hnieŭ ci abureńnie.
Oksfardski słoŭnik anhlijskaj movy abviaściŭ rage bait (dasłoŭny pierakład — «prynada dla lutaści») słovam 2025 hoda.
Hety termin apisvaje internet-kantent, jaki naŭmysna stvarajecca, kab vyklikać złość, abureńnie abo ahresiju praz pravakacyjnyja abo abraźlivyja materyjały dziela pavieličeńnia trafiku i ŭzajemadziejańnia ŭ sacyjalnych sietkach.
Słova było abrana pa vynikach hałasavańnia, u jakim uziali ŭdzieł bolš za 30 tysiač čałaviek.
Užyvańnie «rage bait» za apošnija 12 miesiacaŭ pavialičyłasia ŭ try razy. Ekśpierty adznačajuć, što taki rost sihnalizuje pra bolš hłybokija źmieny ŭ tym, jak ludzi ŭsprymajuć i šukajuć uvahi ŭ ličbavaj prastory, a taksama pra rost uśviedamleńnia etyčnych prablem u siecivie.
Prezident Oxford Languages Kaśpier Hratvał ličyć, što sam fakt isnavańnia i rezkaha ŭsplosku ŭžyvańnia hetaha termina aznačaje, što hramadstva ŭsio bolš uśviedamlaje manipulatyŭnuju taktyku, u jakuju nas uciahvajuć anłajn. Pavodle jaho słoŭ, adbyŭsia dramatyčny zruch: kali raniej internet byŭ skancentravany na pryciahnieńni ŭvahi praź cikaŭnaść (jak «clickbait»), dyk ciapier my nazirajem rezki pierachod da jaho ŭpłyvu na našy emocyi i na toje, jak my reahujem.
Hratvał padkreśliŭ suviaź pamiž sioletnim słovam i terminam «brain rot» (hnijeńnie mozhu), jaki byŭ abrany słovam 2024 hoda.
«Brain rot» fiksavaŭ razumovaje źniasileńnie ad biaskoncaha skrolinhu, u toj čas jak «rage bait» padkreślivaje kantent, śpiecyjalna stvorany dla raspalvańnia abureńnia i pryciahnieńnia klikaŭ.
Na dumku ekśpierta, jany ŭtvarajuć mahutny cykł: abureńnie sparadžaje ŭzajemadziejańnie, ałharytmy heta ŭzmacniajuć, što ŭ vyniku pryvodzić da razumovaha źniasileńnia.
U šort-list 2025 hoda taksama ŭvachodzili terminy «aura farming» (kultyvavańnie charyzmatyčnaj piersony) i «biohack» (sproba palepšyć svaju fizičnuju abo razumovuju pracazdolnaść šlacham źmieny svajho charčavańnia, ładu žyćcia i inš.).
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary