Hienieralny prakuror Andrej Švied nakiravaŭ u Viarchoŭny Sud kryminalnuju spravu pa abvinavačańni ŭ hienacydzie biełaruskaha naroda Hansa Zihlinha, jaki ŭvachodziŭ u skład SS i achoŭnaj palicyi, paviedamlaje telehram-kanał Hienprakuratury.
Zhodna z materyjałami spravy, Zihlinh niepasredna arhanizavaŭ karnyja apieracyi i akcyi, u chodzie jakich ździejśniŭ zabojstvy, uklučajučy masavyja, źniščeńnie całkam albo častkova 11 sielskich nasielenych punktaŭ.
U pryvatnaści, jon pazbaviŭ žyćcia praz rasstreły z ahniastrelnaj bajavoj zbroi i paviešańnie nie mienš jak 1706 čałaviek, uklučajučy nie mienš jak 238 zahadzia małaletnich dziaciej, a taksama asob, jakija znachodzilisia ŭ biezdapamožnym stanie, i zahadzia sastarełych. Jon ža zamachvaŭsia na zabojstva jašče nie mienš jak 30 čałaviek, pryčyniŭ asobnym cialesnyja paškodžańni roznaj stupieni ciažkaści, adnak nie zdoleŭ davieści złačynnyja dziejańni da kanca pa niezaležnych ad jaho abstavinach, paviedamlaje Hienprakuratura.
Zihlinh uletku i ŭvosień 1941 hoda byŭ u Hrecyi, ź listapada 1941 hoda byŭ u Biełarusi, arhanizoŭvaŭ antypartyzanskija apieracyi «Blic», «Kotbus», «Chierman», «Ota», padčas jakich vyniščałasia mirnaje nasielnictva.
U druhoj pałovie — kamandzir 30‑j hrenadziorskaj dyvizii SS, zatym (z 10 lutaha pa krasavik 1945) kamandavaŭ 30‑j dyvizijaj SS «Biełaruś» abo 1‑j Biełaruskaj.
Paśla vajny žyŭ u Bavaryi, pamior u 1975 hodzie.
Ciapier čytajuć
Pamiatajecie čynoŭnika, jakoha kreatyŭna admazali ad zabojstva čałavieka na palavańni? Jon admazaŭsia znoŭ3
Kamientary
Usia Jeŭropa ciapier našy vorahi.
Voś francuzy ciapier našy vorahi, tamu zavočna prapanuju sudzić Napaleona, jaki padčas pachodu na Maskvu zabiraŭ pradukty charčavańnia, rabavaŭ našych sialan.
Šviedy taksama našy vorahi. Šviedski karol Karł XII rabavaŭ terytoryju sučasnaj Biełarusi ŭ 1706 hodzie padčas pachodu na Hrodna, a potym jašče i ŭ 1708-1709 hadach padčas jaho ruskaha pachodu.
A palakach naohuł maŭču. Tam takoje...
Karaciej, marazm macnieje.