Dyrektyva № 4 – pryvatyzacyja 75% aktyvaŭ Biełarusi?

Sajt «Biełaruski partyzan» apublikavaŭ mierkavany prajekt dyrektyvy № 4.

Tekst ukaza, kali jaho sapraŭdy padpiša kiraŭnik dziaržavy, ździejśnić revalucyju ŭ biełaruskaj ekanomicy.

Voś niekatoryja pałažeńni dyrektyvy:

1. Pravieści libieralizacyju cen i taryfaŭ. Dla hetaha:

1.1. skasavać Kamitet pa cenach pry Ministerstvie ekanomiki Respubliki Biełaruś, pieradać jahonyja funkcyi profilnym ministerstvam

1.2. Admianić rehulavańnie cen na impartnyja tavary i pasłuhi.

1.3.

Admianić rehulavańnie cen na ŭsie tavary, pasłuhi i pracy, za vyklučeńniem taryfaŭ na žyllova-kamunalnyja pasłuhi, elektraenierhiju, haz, hramadski transpart, pasłuhi telefonnaj suviazi (za vyklučeńniem mabilnaj), a taksama pasłuhi, jakija pradstaŭlajucca dziaržaŭnymi arhanizacyjami ŭ śfiery achovy zdaroŭja i adukacyi.

1.4. Pravieści mižnarodny aŭdyt vydatkaŭ na vytvorčaść elektryčnaj, ciepłavoj enierhii, hazu, pasłuh hramadskaha transparta, vodazabieśpiačeńnia, telefonnych pasłuh, apublikavać dadzienyja aŭdytu i pryniać płan pierachodu na biezdatacyjny charaktar prodažu dadzienych tavaraŭ i pasłuh z ulikam pavieličeńnia inviestycyjnaj pryvabnaści

1.5. Likvidavać praktyku administracyjnaha ŭstalavańnia dla vytvorcaŭ roznych cenaŭ na tavary na ŭnutrany i na vonkavyja rynki, u tym liku pa kalijnych i azotnych uhnajeńniach, draŭninie, paliŭna-enierhietyčnym resursam.

1.6. Admianić praktyku prysvajeńnia orhanami dziaržaŭnaha kiravańnia nacenačnaj katehoryi i limitavaj nacenki abjektam hramadskaha charčavańnia.

1.7. Admianić nieabchodnaść składańnia ekanamičnych raźlikaŭ, jakija paćviardžajuć uzrovień koštaŭ (taryfaŭ) na tavary (pracy, pasłuhi).

2. Pravieści libieralizacyju licenzavańnia, siertyfikacyi i vydačy dazvołaŭ. Dla hetaha:

2.1. Zachavać dziaržaŭnaje rehulavańnie ŭ vidzie licenzavańnia, abaviazkovaj siertyfikacyi tolki ŭ tych śfierach, dzie isnuje niepasrednaja pahroza žyćcia i zdaroŭju čałavieka. Licenzavańnie ŭsich astatnich vidaŭ dziejnaści admianić.

2.4. Ažyćciavić pierachod ad abaviazkovaj da dobraachvotnaj siertyfikacyi tavaraŭ i pasłuh.

2.5. Raspracavać prahramu poŭnaha pierachodu biełaruskaj pradukcyi na mižnarodnyja standarty jakaści ISO. Ažyćciavić pierachod ad HOSTaŭ na ISO na ŭsie tavary i pasłuhi da 2014 hoda.

2.6. Pravieści analiz pracedury vydačy dazvołaŭ, pryniać adziny paradak ich atrymańnia z vyznačeńniem patrabavańniaŭ i terminaŭ. Pierajści na režym atrymańnia dazvołaŭ praź internet da 2012 hodu.

3. Pryniać miery pa biezumoŭnaj abaronie pravoŭ ŭłasnaści i raźvićcia volnaj kankurencyi. Dla hetaha:

3.1. Vyklučyć z usich narmatyŭnych pravavych aktaŭ normy, jakija praduhledžvajuć kanfiskacyju majomaści ŭ subjektaŭ haspadarańnia, što nie źjaŭlajucca jaho ŭłaśnikam, kali heta majomaść nie znachodzicca ŭ pradpryjemstva na pravach haspadarčaha viadzieńnia, pakul u sudovym paradku nie budzie ŭstalavana, što heta majomaść nabytaja niezakonnym šlacham.

3.2. Likvidavać praktyku pazasudovaha ŭžyvańnia aryštu hrašovych srodkaŭ na rachunkach i śpisańnia ich na padstavie pradpisańniaŭ dziaržaŭnych orhanaŭ.

3.3. Vyklučyć z narmatyŭnych dakumientaŭ mahčymaści kanfiskacyi majomaści ŭ dobrasumlennaha pakupnika.

3.5. Admianić manapoliju nacyjanalnaha apieratara elektrasuviazi na propusk mižnarodnaha internet trafiku, a taksama trafiku pamiž inšymi ajčynnymi apieratarami elektrasuviazi.

3.10. Uvieści instytut pryvatnych sudovych vykanaŭcaŭ.

3.11. Unieści źmieny ŭ zakon ab pryvatyzacyi z metaj paskareńnia pracesu transfarmacyj ułasnaści.

Da 2013 hodu prynamsi 75% usich aktyvaŭ krainy pavinny znachodzicca ŭ pryvatnaj ułasnaści.

3.12. Zabiaśpiečyć na praciahu 2010 hoda prodaž arandataram arandavanych u respublikanskich i miascovych orhanaŭ ułady pamiaškańniaŭ, budynkaŭ, zbudavańniaŭ i inšych abjektaŭ pa reštkavym košcie, kali jany arandujuć ich bolš za 2 hady. U vypadku admovy arandataraŭ ad nabyćcia jany pradajucca praz adkryty aŭkcyjon.

3.13. Zasnavać Antymanapolny kamitet z šyrokimi paŭnamoctvami kantrolu nad dziejańniami kamiercyjnych arhanizacyj, jakija zajmajuć daminantnaje stanovišča na rynku, praviadzieńniem aŭkcyjonaŭ, raźmiaščeńniem dziaržaŭnych zamoŭ.

3.14. Likvidavać inavacyjnyja fondy i pazabiudžetnyja fondy, stvaranyja miascovymi orhanami ŭłady.

4. Pravieści libieralizacyju ŭnutranaha i zamiežnaha handlu. Dla hetaha:

4.1. Admianić abmiežavańnie terminu (90 dzion) dla praviadzieńnia zamiežnahandlovych apieracyj.

4.3. Admianić patrabavańni pa asartymientnym pieraliku tavaraŭ dla abjektaŭ razdrobnaha handlu i hramadskaha charčavańnia.

4.4. Admianić dla pradpryjemstvaŭ pryvatnaj formy ŭłasnaści patrabavańnia abaviazkovaj zdačy vyručki ŭ bank.

4.7. Admianić statystyčnuju mytnuju dekłaracyju pry praviadzieńni ekspartna-impartnych apieracyj u handli pamiž Biełaruśsiu i Rasijaj.

4.8. Zaviaršyć pryvatyzacyju ŭsich abjektaŭ handlu, hramadskaha charčavańnia i pobytavaha absłuhoŭvańnia da 2012 hoda.

4.9. Unifikavać mytnyja staŭki, źmienšyć pamier siaredniaŭzvažanaha myta da 3%.

4.10. Unieści nieabchodnyja źmieny ŭ akty zakanadaŭstva dla pryviadzieńnia ich u adpaviednaść z normami i standartami SHA. Pryniać prahramu dziejańniaŭ urada pa ŭstupie ŭ SHA da 2012 hodu.

5. Pravieści libieralizacyju rynka pracy i pracoŭnych adnosin. Dla hetaha:

5.1. Padać indyvidualnym pradprymalnikam, jakija pracujuć pa ahulnaj schiemie padatkaabkładańnia, pravy najmańnia luboj kolkaści pracaŭnikoŭ, što vypłačvajuć adziny padatak — da 5 pracaŭnikoŭ niezaležna ad rodnasnych suviaziaŭ.

5.2. Admianić abaviazkovaść užyvańnia Adzinaj taryfnaj sietki pracaŭnikoŭ Respubliki Biełaruś dla pradpryjemstvaŭ i arhanizacyj z dolaj dziaržavy ŭ statutnym fondzie mienš za 50%.

5.3. Ustanavić, što adzinym abaviazkovym dakumientam pamiž pracaŭnikom i najmalnikam źjaŭlajecca pracoŭnaja damova (kantrakt).

5.4. Padać prava najmalniku i najomnamu pracaŭniku samastojna vyznačać režym, čas i ŭmovy pracy, a taksama ŭmovy, formy apłaty pracy.

5.5. Padać kamiercyjnym arhanizacyjam prava aptymizavać zaniataść u zaležnaści ad realnaha popytu na tavary, pracy i pasłuhi.

5.6. Pavialičyć dapamohu pa biespracoŭi da sumy, ekvivalentnaj $120 u miesiac.

5.8. Raspracavać i pryniać zakanadaŭstva pra ŭviadzieńnie sistemy strachavańnia pa časavaj niepracazdolnaści.

5.9. Stvaryć spryjalnyja ŭmovy dla samazaniataści nasielnictva, praduhledzieć mahčymaść viadzieńnia kamiercyjnaj dziejnaści fizičnymi asobami biez rehistracyi indyvidualnymi pradprymalnikami, ale z apaviaščeńniem orhanaŭ ułady pra pačatak takoj dziejnaści i vypłataj padachodnaha padatku.

6. Pravieści libieralizacyju arendnych adnosin, palepšyć sistemu kantrolu nad dziejnaściu kamiercyjnych arhanizacyj i indyvidualnych pradprymalnikaŭ. Dla hetaha:

6.1. Pamienšyć staŭki arendnaj płaty za pamiaškańni, vytvorčyja placoŭki, jakija naležać orhanam respublikanskaj ci miascovych uład, u 2 razy. Skasavać padvyšalny kaeficyjent «3» dla ofisnych pamiaškańniaŭ.

6.2. Uvieści panižalny kaeficyjent — 0,2 dla ŭsich pradpryjemstvaŭ małoha biznesu, jakija arandujuć nieruchomaść u orhanaŭ respublikanskaj ci miascovych uład.

6.3. Spynić praktyku administracyjnaj fiksacyi arendnych stavak pryvatnaj kamiercyjnaj nieruchomaści.

6.4. Likvidavać praktyku pryviazki stavak arendnaj płany, taryfaŭ na pasłuhi dziaržaŭnych arhanizacyj, dziaržaŭnych i mytnych myt, padatkaŭ i zboraŭ da zamiežnaj valuty i «bazavym vieličyniam»; admianić pryviazku pamieru bazavaj vieličyni da staŭki pieršaha razradu.

6.5. Uvieści maratoryj na praviadzieńnie ŭsich vyhladaŭ pravierak subjektaŭ małoha biznesu da 1.01.2013 h.

7. Palepšyć jakaść padatkovaha administravańnia, źmienšyć padatkovuju nahruzku. Dla hetaha:

7.1. Źmienšyć bazavuju staŭku padatku na dadadzienuju vartaść da 15%.

7.2. Zamianić adličeńni ŭ Fond sacyjalnaj abarony nasielnictva i padachodny padatak adzinym sacyjalnym padatkam 15%.

7.3. Uklučyć u vydatki, uličvanyja pry padatkaabkładańni adsotkaŭ pa praterminavanych pazykach i kredytam, a taksama pazykam i kredytam, złučanym z nabyćciom asnoŭnych srodkaŭ, niemateryjalnych aktyvaŭ i inšych pazazvarotkavych (doŭhaterminovych) aktyvaŭ.

7.4. Pierajści na kvartalny režym vypłaty padatku na dadadzienuju vartaść subjektami małoha pradprymalnictva.

7.6. Źmienšyć ahulnuju padatkovuju nahruzku, uklučana z ŭnioskami ŭ Fond sacyjalnaj abarony nasielnictva i miascovymi padatkami, da 30% VUP.

8. Pryvieści akty zakanadaŭstva Respubliki Biełarusi ŭ adpaviednaść z dyrektyvaj da 1 vieraśnia 2010 hoda.

• 0
• 0
• 0
• 0
• 0
• 0
• 0
• 0