Treci ŭ historyi film na ŭdmurckaj movie: poŭnaja humaru i eratyzmu kamiedyja.
Pieramoha ŭdmurckich babul na adbory na rasijskaje «Jeŭrabačańnie» pryciahnuła ŭvahu da ŭdmurtaŭ. Heta mały narod, što žyvie pierad Urałam. Akazaŭšysia ŭ rasiejskim atačeńni, udmurty trymajucca za svaju movu i admietnaść. Nie tolki buranaŭskija babuli, ale i moładź.
Heta była ideja «ŭdmurckaj tusoŭki» — źniać ramantyčnuju kamiedyju na svajoj movie.
U realizacyi dapamoh polski režysior Piotr Pałhan. Palaki i prafinansavali. Tak paŭstaŭ film
Film hety źniaty ŭ stylistycy «naiŭnaha mastactva».Ihra aktoraŭ amatarskaja, mantaž, kaściumy, hrym minimaliscki, navat krajavidy nie padbiralisia asabliva — biudžet nie davaŭ razahnacca ŭ pierajezdach.
Ale film poŭny lohkaha humaru i (taksama lohkaha) eratyzmu.
U stužcy šmat piesień: jak tradycyjnych, tak i sučasnych.
Film hladzicca. Narod i jaho kultura bačacca ŭ im. A palityčny mesydž karciny davoli śmieły.
Siužet karciny taki: Maksim ź viosački Hondyrhurt zakachaŭsia ŭ maładuju śpiavačku Viktoryju Jadyharavu, pieśni jakoj pačuŭ pa radyjo.U horadzie na ŭdmurckaj viečarynie jon, narešcie, sustrakaje ŭdmurckuju zorku, ale tut ža hublaje nadzieju na znajomstva — staličnuju pryhažuniu zvozić kavaler na krutoj inšamarcy. Siastra i dziadula Maksima surjozna azadačanyja tym, jak vyratavać Maksima ad depresii. Z dapamohaj Mitreja, jaki niadaŭna viarnuŭsia z vojska, jany adpraŭlajucca da pradziusara Viki — udmurckaha chipstara Robierta. I voś
volaj losu ambicyjnaja zorka i jaje pijarščyk źjaŭlajucca ŭ vioscy, dzie ich čakaje mnostva siurpryzaŭ…
Nie vypadkova, što film źniaŭ polski režysior. Małyja nacyi Centralnaj Jeŭropy spahadajuć i dapamahajuć małym narodam Rasii — jak i biełarusam, zrešty.
Udmurtaŭ 600 tysiač. Ich los — typovaja dola kałanizavanych narodaŭ.Jašče ŭ 1926 hodzie jany składali 52% nasielnictva Udmurtyi. U 1939 hodzie — užo tolki 39%. Stalin abraŭ Pryŭralle ŭ jakaści centra abaronnaj prasysłovaści.
Na siońnia ŭdmurtaŭ va Udmurtyi — 28%. Ale ŭ nacyjanalnym parłamiencie deputataŭ-udmurtaŭ tolki 11%.Ahromnistyja pryrodnyja bahaćci rehijona patrochu vyčerpvajucca. Nafty na siońnia zdabyvajecca kala 10 miljonaŭ ton za hod, ale ŭsie radoviščy ŭžo na finalnaj stadyi raspracoŭki.
Udmurtyja — typovaja hłybinnaja Rasija, jakoj my nie viedajem.
Udmurty zachoŭvajuć bolšaść u vioskach.Cikava, što moładź šukaje novyja sposaby zmahańnia za nacyjanalnuju identyčnaść: internet, novaja muzyka. Nie tolki «Branhurtyś piesanajos», ale i junyja artysty razumiejuć: vyjście — u pazityvie. I va ŭpartym dziaržańni za svajo.
Darečy, vaUdmurckaja mova ŭ«Uzy-bory» miescami vykarystoŭvajeccaŭdmurcka-rasiejskaja trasianka.
Film možna pahladzieć u vysokaj jakaści anłajn.
A voś film uJu-Tubie z rasiejskimi subtytrami:
Spampavać kino možna tutaka.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj58
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Kamientary