Na źbitaha Andreja Moŭčana skłali pratakoł ab supracivie supracoŭnikam milicyi
U dačynieńni da źbitaha aktyvista «Jeŭrapiejskaj Biełarusi» Andreja Moŭčana składzieny administracyjny pratakoł ab supraciŭleńni supracoŭnikam milicyi.
Jak paviedamiŭ Moŭčan, viečaram 24 červienia da jaho damoŭ pryjšli dva kapitany milicyi, supracoŭniki UUS Pieršamajskaha rajona.«Jany skazali, što pryjšli pa spravie majho zatrymańnia, jakoje adbyłosia 19 maja, i rastłumačyli, što atrymali list sa Śledčaha kamiteta z prośbaj skłaści na mianie taki pratakoł. Ja byŭ vielmi ździŭleny, bo Śledčy kamitet paralelna sa spravaj ab maim źbivańni pravodziŭ pravierku adnosna maich dziejańniaŭ padčas zatrymańnia i daŭ zaklučeńnie, što supracoŭnikam milicyi ja nie supraciŭlaŭsia», — raskazaŭ Mołčan.
Jon adznačyŭ, što supracoŭniki milicyi pakazali jamu «ŭžo hatovy pratakoł». «Hety pratakoł nieviadoma kim składzieny, nieviadoma kali, nieviadoma, na jakoj pasadzie čałaviek, što skłaŭ pratakoł. Ja ŭbačyŭ tam tolki toje, što hety čałaviek — lejtenant. Tak što ja navat nie ŭpeŭnieny, ci prysutničaŭ hety čałaviek pry maim zatrymańni. Tamu ja napisaŭ u pratakole, što z samim pratakołam i z abvinavačańniem u dačynieńni da mianie nie zhodny. Paśla hetaha supracoŭniki milicyi pajšli», — paviedamiŭ Moŭčan.
Aficyjnaha adkazu pavodle vynikaŭ rasśledavańnia sa Śledčaha kamiteta, jaki praciahnuŭ razhlad hetaj spravy da 30 červienia, aktyvist pakul nie atrymaŭ.
***
- Jak paviedamlałasia raniej, Moŭčan byŭ zatrymany milicyjaj 19 maja kala ŭniviersama «Pieršamajski» ŭ Minsku. U znak salidarnaści sa źniavolenym viciebskim apazicyjanieram Siarhiejem Kavalenkam jon razharnuŭ
- Pieršapačatkova ŭračy zafiksavali ŭ źbitaha Moŭčana nie tolki
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ4
Kamientary