Siarhiej Hryc: Čałaviek u cyvilnym papiaredziŭ, što milicyja budzie pavodzić siabie nieadekvatna
Fotakarespandent Associated Press źniaŭ paboi i napisaŭ zajavu ŭ milicyju.
Napisać zajavu jamu prapanavali... supracoŭniki taho samaha Frunzienskaha RUUS, piša Baj.by.
Ranicaj 19 vieraśnia fotakarespandent Associated Press naviedaŭ Frunzienskaje RUUS i napisaŭ zajavu pra naniasieńnie jamu traŭmy. «Ja apisaŭ usie padrabiaznaści, prykłaŭ 5 fota, na jakich zafiksavany momant zatrymańnia», — raspavioŭ žurnalist
Nahadajem, što mienavita ŭ hetaje adździaleńnie milicyi jaho razam ź inšymi žurnalistami pryvieźli ŭčora paśla «chapuna» na pikiecie.
Cikava, što supracoŭniki RUUS sami patelefanavali Siarhieju z prapanovaj napisać zajavu.Učora žurnalist źviarnuŭsia ŭ svaju rajonnuju palikliniku z nahody raźbitaha voka. Miedyki, pavodle pracedury, patelefanavali ŭ milicyju pa miescy zdareńnia. A milicyjanty «adpracavali schiemu» i sami zaprasili paciarpiełaha paskardzicca.
«Śmiešna, ale atrymlivajecca, što na adnym paviersie RUUS siadziać tyja, chto mianie biŭ, a na druhim — tyja, kamu ja pišu skarhu», — dzivicca žurnalist.
Zaraz Siarhiej čakaje ŭ paliklinicy vypisku ź miedkartki, patrebnuju dla prachodžańnia sudmiedekśpiertyzy.
Pa jaho słovach, kiraŭnictva Associated Press taksama paličyła, što biez pakarańnia takija dziejańni nie pavinnyja zastacca, i padtrymała ideju skarhi.
«Hrubaść „nalico“ i „na licie“… Navošta tak było rabić, ja chacieŭ by spytać?», — aburajecca žurnalist.
Siarhiej raspavioŭ pra cikavuju razmovu, jakaja adbyłasia ŭ jaho 18 vieraśnia z čałaviekam u cyvilnym, jaki addavaŭ žurnalistam dakumienty pierad vyzvaleńniem. «Ja spytaŭ u jaho — maŭlaŭ, jak dalej budziem žyć i pracavać? A jon mnie: raju vam nie chadzić na takoha kštałtu mierapryjemstvy, bo milicyja budzie pavodzić siabie nieadekvatna…Ja pytaju — milicyja nie viedaje zakonaŭ albo viedaje i nie źbirajecca ich vykonvać? Tady jon, zdajecca, zrazumieŭ, što lapnuŭ niešta nie toje… Darečy, uviečary, pahladzieŭšy fota zatrymańnia, ja paznaŭ svajho surazmoŭcu ŭ tym „cyvilnym“, jaki adbiraŭ telekamieru ŭ niemcaŭ z ZDF. Ja ŭpeŭnieny na 99%, što heta byŭ jon».
Kamientary