20 снежня ў Віцебску гарэў мясцовы Цэнтр сучаснага мастацтва. Пажар лакалізавалі і патушылі хутка, за некалькі хвілінаў. Цікава, што захавальніца фондаў, якая была ў памяшканні, распавяла, што ў Цэнтр нібыта ўварваўся невядомы, які і падпаліў падсобнае памяшканне.
Але ж у студзені стала вядома, што ў падпале вінавацяць саму супрацоўніцу. На жанчыну яшчэ ў снежні завялі крымінальную справу аб наўмысным пашкоджанні маёмасці, прычым — у асабліва буйным памеры. Гэта пацвердзілі ў Віцебскім упраўленні Следчага камітэта.
Калі падазраваную прызнаюць вінаватай, яна можа трапіць за краты на тэрмін да 10 гадоў. Пакуль жанчына на волі, пад падпіскай.
Цяпер чытаюць
Крык душы Жыгара пра групу Кавалеўскага: Гучаць заявы, што Лукашэнка легітымны прэзідэнт, хоць і не абраны дэмакратычна7
Каментары