Збег ад арміі ў Расію, злавілі ў Барысаве
Няветла сустрэла радзіма дваццацігадовага жыхара Барысава, які ўхіляўся ад вайсковай службы. Хаваючыся ад позваў з ваенкамата, ён паехаў у Маскву, але ў мінулы чацвер, 6 снежня, вырашыў наведаць родныя мясціны.
Проста на станцыі Барысаў у 04.50 раніцы яго затрымаў нарад міліцыі аддзела ўнутраных спраў на транспарце, паведамляе яго прэс-служба.