Белчыгунка прыпыніла продаж квіткоў на цягнікі з Украінай з 30 сакавіка
Беларускай чыгункай часова прыпыненая рэалізацыя квіткоў на міжнародныя пасажырскія цягнікі з Украінай з 30 сакавіка.Аб гэтым паведаміў намеснік начальніка аддзела арганізацыі пасажырскіх перавозак пасажырскай службы БЧ Канстанцін Баяр.
«Гэта выклікана тым, што ў суседняй краіне пакуль не вызначыліся з прыняццем рашэння аб пераходзе на летні час, у сувязі з чым украінскай чыгункай прыпыненая рэалізацыя білетаў у зносінах з Беларуссю і Расіяй», — удакладніў спецыяліст.
Гэтыя захады неабходныя, каб выключыць магчымыя канфліктныя сітуацыі з пасажырамі пасля пераходу на летні час.
Пасля таго як украінскі бок прымеякое-небудзь рашэнне, расклад міжнародных цягнікоў будзе адкарэктаваны, і продажы адновяцца.