П’яны мінчук раззлаваўся і разбіў сваё аўто
А таксама суседскае.
Па інфармацыі ГУУС Мінгарвыканкама, затрыманы 30-гадовы мінчук, які пашкодзіў два легкавікі. Ён выйшаў падыхаць паветрам падчас застолля на вул. Каражанеўскага. Калі ў адным з аўто спрацавала сігналізацыя, мужчыну гэта раззлавала. Камнем ён адбіў люстэркі ў ім, а затым узяўся граміць суседняе аўто. Калі ён прыйшоў у сябе, зразумеў, што разбіў і ўласную машыну.
Цяпер Следчы камітэт вызначыць далейшы лёс дэбашыра.