У Пінскім раёне 34-гадовага мужчыну забіла электратокам — ён падключаў вадзяную помпу
Трагедыя здарылася 16 чэрвеня.
Як паведаміў БелаПАН намеснік начальніка следчага аддзялення Пінскага міжраённага аддзела Следчага камітэта Дзмітрый Ляўковіч, няшчасны выпадак адбыўся каля 11.00 у вёсцы Селішча, куды мужчына прыехаў да маці. Паводле слоў сведак, пры падключэнні да электрасеткі вадзяной помпы для паліву агарода мужчына паслізнуўся і ўпаў у ваду, трымаючы ў руках разетку, якая была пад напружаннем.
Ён загінуў на месцы. Прычыну смерці ўстанаўлівае судова-медыцынская экспертыза.
Праверку па факце гібелі мужчыны праводзіць Пінскі міжраённы аддзел Следчага камітэта.