Макей раскрытыкаваў паслоў
Міністр замежных спраў Беларусі Уладзімір Макей лічыць недастаткова эфектыўнай працу замежных устаноў па прыцягненні інвестыцый. Аб гэтым ён сёння заявіў, адкрываючы ў Акадэміі кіравання пры прэзідэнце Беларусі семінар кіраўнікоў дыпламатычных прадстаўніцтваў і консульскіх устаноў.
«Задачы кіраўніцтва краіны пакуль не выконваюцца, чаму ёсць як аб’ектыўныя, так і суб’ектыўныя фактары», — канстатаваў Уладзімір Макей, маючы на ўвазе паказчыкі па прыцягненні інвестыцый і нарошчванні экспарту.
У сувязі з гэтым У.Макей заклікаў кіраўнікоў замежных устаноў да адкрытага дыялогу і актыўнага абмену думкамі.
Штогадовы семінар кіраўнікоў дыппрадстаўніцтваў і консульскіх устаноў Беларусі будзе доўжыцца ў Акадэміі кіравання да 12 ліпеня.