Галоўны сіноптык краіны патлумачыў ранішні дождж у Мінску
Начальнік Белгідраметэацэнтра кажа, штоз-за залевы, якой не было ў прагнозе, яго сёння ўжо спыталіся ўсе «вярхі». Па словах Дзмітрыя Рабава, у ранішнія часы атмасферны фронт абвастрыўся і надвор’е «згуляла жарт».
«Я сёння таксама патрапіў пад дождж — пакінуў парасон на працы, і пасярэдзіне дарогі да працы пачаўся лівень. Прагноз мы скарэктавалі і разаслалі ўсім нашым карыстальнікам, у тым ліку і СМІ. Аднак зараз неба прасвятляецца, і тэмпература паднімецца. Чырвоны ўзровень бяспекі захоўваецца па Брэсцкай вобласці, а па краіне будзе высокая тэмпература».
Ён папярэджвае, што павышэнне тэмпературы па скарэктаванаму прагнозу чакаецца пасля апоўдня.Тэмпература павысіцца па краіне да 30–34 градусаў вышэй за нуль. Па словах сіноптыка, у бліжэйшы тыдзень чакаецца пахадаланне, у тым ліку і на выхадных.