«Белаграпрамбанк» таксама спыніў льготнае крэдытаванне жылля
Перад ім гэта зрабілі «Белінвестбанк» і «Беларусбанк».
«Белаграпрамбанк», апошні з дзяржаўных банкаў, які да сёння прымаў новыя заяўкі на льготныя крэдыты для маючых патрэбу, з 9 жніўня спыніў льготнае крэдытаванне жылля ў сельскай мясцовасці (12% - для шматдзетных сем'яў, 14% - для маючых патрэбу).
Разам з тым, банк яшчэ гатовы прымаць заяўкі на прадастаўленне жыллёвых крэдытаў па стаўцы 28,5%.
Першым з дзяржбанкаў льготнае крэдытаванне спыніў «Белінвестбанк», за ім адзначыўся і «Беларусбанк».