У Магілёве быў затрыманы журналіст Алесь Асіпцоў
20 жніўня ў першай палове дня ў Магілёве каля прахадной ААТ «Магілёўхімвалакно» пры выкананні рэдакцыйнага задання затрыманы незалежны журналіст Алесь Асіпцоў.
«Я выконваў рэдакцыйнае заданне — апытваў работнікаў прадпрыемства па розных эканамічных пытаннях. Праз некаторы час да мяне падышоў нейкі чалавек, які не прадставіўся, але назваў сябе прадстаўніком ідэалагічнай службы „Магілёўхімвалакна“ і папрасіў прайсці з ім», — паведаміў БелаПАН Асіпцоў.
Паводле яго слоў, у цяперашні час ён знаходзіцца ў адным з пакояў на прахадной прадпрыемства, там жа знаходзіцца супрацоўнік міліцыі.