Адваката не пусцілі да Баўмгертнера
Беларускага адваката генеральнага дырэктара «Уралкалія» Уладзіслава Баўмгертнера не пусцілі да яго ў СІЗА КДБ без тлумачэння прычын.
Пра гэта паведаміў адвакат з расійскага боку Аляксей Басістаў.
«З невядомых прычын 10 верасня не дапусцілі да Уладзіслава, дагэтуль увесь час дапускалі», — сказаў Басістаў.
Адвакаты спрабавалі дамагчыся змены меры стрымання гендырэктару «Уралкалія». Аднак Партызанскі райсуд адмовіўся задаволіць скаргу. Тыя звярнуліся з касацыйнай скаргай у Мінскі гарадскі суд. Дата паўторнага пасяджэння пакуль невядомая.