Графітысты цалкам размалявалі вагон электрычкі — фотафакт
Адзін з вагонаў электрычкі, якая ў нядзелю ездзіла па Асіповіцкім кірунку, быў цалкам запэцканы графіці-фарбай уключна з шыбамі.
Гэтым разам адну з сценак вагона размалявалі цалкам — ад падлогі да даху.
Падобна на тое, пасажырам аднаго з вагонаў прыйшлося ехаць у паўзмроку.
Каб зрабіць у вагоне хоць крыху святлей, пасажыры нават адчынялі форткі, нягледзячы на халоднае надвор’е.
Знаўцы графіці могуць паспрабаваць распазнаць, што напісана на гэтым «тэгу» — магчыма, праз сацыяльныя сеткі атрымаецца вылічыць вандалаў.