Ці адбудзецца «Стоп-падатак-3»?
У інтэрнэце з'явіліся заклікі правесці сёння чарговую акцыю супраць «аўтапабору».
Уладальнікаў аўто заклікалі незадоўга да 18.00 выязджаць на прылеглыя да праспекта Незалежнасці вуліцы, каб іх заблакаваць, ехаць павольна і роўна а 18.00 падаць працяглы гукавы сігнал.
Ананімныя арганізатары акцыі заклікаюць да ўдзелу і пешаходаў, якія могуць выйсці на ходнікі ўздоўж праспекта Незалежнасці і раскідаць там дробныя купюры, каб пакпіць з уладаў, якія ўвялі новую дзяржпошліну.
Папярэднія акцыі «Стоп-падатак» арганізоўваліся 20 і 27 снежня. 20 снежня была прыкметная, 27-га — амаль незаўважная.