Зніклы ў Віцебску шасцікласнік знайшоўся
12-гадовы Уладзіслаў Бразгуноў, якія пайшоў з дома ў пасёлку Кастрычніцкі 18 студзеня і якога шукалі тры дні, быў знойдзены ў Віцебску на гарышчы адной са шматпавярховак.
Як паведамлялася, бабуля адправіла хлопчыка па пасылку на пошту. Пасылку ён забраў, аднак дадому не вярнуўся. Інфармацыя, што дзіця знайшлося, з'явілася ў групе пошукава-выратавальнага атрада «Анёл».
Па неафіцыйнай інфармацыі, якую ўдалося атрымаць у супрацоўнікаў праваахоўных органаў,
увесь гэты час школьнік хаваўся на гарышчы дзевяціпавярховага дома ў квартале ў тэлезавода «Віцязь».