Майдан рыхтуецца да штурму. Да эпіцэнтра падзей звозяць «цітушак»
Плошча ў цэнтры Кіева рыхтуецца да штурму, стаў жорсткім прапускны рэжым.
На барыкадах ад вуліцы Інстытуцкай і Крэшчаціка з боку Еўрапейскай плошчы па стане на 09:30 знаходзяцца некалькі сотняў актывістаў з палкамі і ў касках.
У гэты час на Майдане Незалежнасці ідзе малебен.
Зусім побач, на вуліцы Грушэўскага працягваецца супрацьстаянне пратэстоўцаў і сіл «Беркута».
У Кіеве шмат аўтобусаў, многія з іх рухаюцца ў бок Марыінскага парку і вуліцы Грушэўскага. Верагодна, у іх вязуць так званых «цітушак».