У Кіеве двойчы стралялі ў беларуса-фатакара Сяргея Грыца
Сяргей Грыц (на фота ў цэнтры) на вуліцы Грушэўскага, у самым пекле. Злева ад яго — селянін з-пад Чарнаўцоў Гаўрылюк, які ў той жа дзень стане аб'ектам здзекаў спецназа. Справа — разрываецца граната. Фота Франс прэс.
Снайперы частак, верных Віктару Януковічу, працягваюць паляванне на журналістаў, што працуюць у зоне канфлікту.
Гумовымі кулямі двойчы стралялі ў беларуса Сяргея Грыца — фатографа, які працуе на агенцтва Асашыэйтэд прэс. Адна з куляў чыркнула па капюшоне, другая трапіла ў ніз жывата.
Журналіст перажыў балявы шок.
Сяргей Грыц — вядомы журналіст, каранямі з Навагрудка, аўтар легендарнага кадра пацалунку Кебіча з Чарнамырдзіным.
Усяго за дні сутычак пацярпелі 43 рэпарцёры.
Са словаў журналістаў, снайперы цэляць у галаву і пах. Задача — не забіць, але застрашыць.
У сераду гумовая куля трапіла ў галаву другога выбітнага беларускай фатографа — Васіля Фядосенкі, які працуе на агенцтва Ройтэрз.