У Маскве арыштавалі паліцэйскіх, якія падкідалі людзям гераін
У Маскве арыштавалі чатырох супрацоўнікаў паліцыі, якіх падазраюць у падкідванні людзям гераіну для паляпшэння статыстычных паказчыкаў і вымагання грошай.
« Так, у студзені ў адным з аддзелаў паліцыі ВАО горада Масквы нібыта за захоўванне наркотыкаў быў затрыманы чалавек, якому былі нанесены цялесныя пашкоджанні і падкінуты наркатычныя сродкі, якія пасля сталіся падставай для ўзбуджэння крымінальнай справы», — гаворыцца ў паведамленні СК Расіі.
Там жа гаворыцца, што пацярпеламу пазней прапанавалі купіць гераін і падкінуць яго свайму знаёмаму, каб супрацоўнікі паліцыі маглі палепшыць статыстычныя дадзеныя аб раскрыцці злачынстваў у сферы незаконнага абароту наркотыкаў.