У Віцебску падчас рамонту ўзарваўся газавы балон
Два чалавекі пацярпелі.
Па інфармацыі Міністэрства па надзвычайных сітуацыях, выбух адбыўся каля 14.22 у доме па вуліцы Лакаматыўная.
Па папярэдняй інфармацыі, у падвале пяціпавярховіка праводзіліся планавыя рамонтныя работы. Узарваўся газавы прапанавы балон на 50 літраў. Пацярпелі зваршчык (апёкі твару і рук) і жанчына, якая праходзіла побач, атрымала ўшыб рукі. У доме пашкоджаны 22 аконныя рамы.
Прычыны здарэння высвятляюцца. Пажару не было.