Лукашэнка заяўляе, што сустрэнецца з Пуціным у найбліжэйшы час
Кіраўнік Беларусі Аляксандр Лукашэнка заяўляе аб магчымасці яго сустрэчы з прэзідэнтам Расіі Уладзімірам Пуціным у найбліжэйшы час. Аб гэтым паведамілі ў прэс-службе Лукашэнкі па выніках сустрэчы кіраўніка дзяржавы з міністрам замежных спраў Уладзімірам Макеем.
«Я ўчора тройчы размаўляў з прэзідэнтам Расійскай Федэрацыі. У найбліжэйшы час, я думаю, мы з Уладзімірам Уладзіміравічам знойдзем у сваім графіку магчымасць сустрэцца і абмеркаваць яшчэ раз сумесныя дзеянні ў сучасных умовах», — сказаў Аляксандр Лукашэнка.