Януковіч правядзе прэс-канферэнцыю ў Растове-на-Доне
Віктар Януковіч у пятніцу, 28 лютага, правядзе прэс-канферэнцыю ў расійскім Растове-на-Доне.
Пра гэта паведамляе РІА Навіны са спасылкай на атачэнне адхіленага прэзідэнта Украіны.
Мерапрыемства пройдзе ў пяць гадзін вечара. Месца правядзення будзе абвешчана дадаткова.
Раней у чацвер Януковіч папрасіў у Расіі абароны ад дзеянняў «экстрэмістаў», якія захапілі ўладу ў краіне, і гэтая просьба, па дадзеных ананімнай крыніцы ва ўладных структурах РФ, была задаволеная. Пры гэтым месцазнаходжанне Януковіча да гэтага часу невядомае.