У мінскай школе шукаюць «бомбу», эвакуявалі 580 чалавек
Як паведамляе прэс-служба сталічнай міліцыі, праваахоўнікам патэлефанаваў невядомы. Ён паведаміў, што ў школе № 173, якая месціцца па вуліцы Герасіменкі, знаходзіцца выбуховае прыстасаванне. Нібыта, яму гэтую інфармацыю перадалі вучні старэйшых класаў.
У школу прыехалі сапёры, яны правяраюць будынак, з якога эвакуявалі сотні дзяцей. Прылеглую тэрыторыю ачапілі міліцыянеры. Здарэнне адбылося сёння каля 13-й гадзіны.