У СМІ з'явіўся план ЗША па дээскалацыі ва Украіне
У расійскіх СМІ з'явіліся падрабязнасці палажэнняў прапанаванага ЗША плана па ўрэгуляванні крызісу вакол Украіны, выкліканага расійскай акупацыяй Крыма. Як паведамляе радыёстанцыя Эхо Москвы, дакумент уключае ў сябе чатыры пункты.
Reuters.com
Першае: вяртанне расійскіх войскаў у месцы базавання, якія былі да 1 сакавіка.
Другое: міжнародныя інспекцыі АБСЕ па ўсёй тэрыторыі Украіны, абавязкова ўключаючы Крым.
Трэцяе: Прамы дыялог паміж Кіевам і Масквой, калі трэба — пры ўдзеле міжнародных пасярэднікаў.
Чацвёртае: прызнанне вынікаў прэзідэнцкіх выбараў 25 мая.
Крыніца выдання асаблівую ўвагу звярнула на тое, што гаворкі аб вяртанні Крыма Украіне ў плане быццам бы не ідзе.
Між тым, у ходзе сустрэчы кіраўнікоў знешнепалітычных ведамстваў Расіі і ЗША, якая адбылася мінулай ноччу і працягвалася каля чатырох гадзін,
Сяргей Лаўроў назваў і адно з ключавых патрабаванняў Масквы. Гэта федэралізацыя дзяржавы.
У адказ Керы заўважыў, што не ЗША павінны вызначаць шляхі развіцця Украіны, а самі ўкраінцы.