Яцанюк абвінаваціў сілавікоў у бяздзеянні падчас беспарадкаў у Адэсе
Прэм'ер-міністр Украіны Арсеній Яцанюк заявіў, што вінаваціць сілавыя структуры ў тым, што яны не спынілі гвалт у Адэсе. Такую заяву ён зрабіў у інтэрв'ю тэлеканалу BBC.
Таксама Яцанюк заявіў аб неабходнасці «поўнага незалежнага расследавання абставінаў падзей».
У нядзелю, 4 мая, у Адэсе адбудзецца сустрэча Арсенія Яцанюка з лідарамі сацыяльнай, палітычнай і культурнай сфер жыцця горада, паведамляецца на сайце ўрада Украіны.
.