Кірыенка: Будаўніцтва АЭС у Беларусі ідзе з апярэджаннем графіка
Усе спрэчныя пытанні па супрацоўніцтве Расіі і Беларусі ў атамнай сферы ўрэгуляваны, заявіў сёння кіраўнік «Расатама» Сяргей Кірыенка на сустрэчы з прэм'ер-міністрам РФ Дзмітрыем Мядзведзевым.
Сяргей Кірыенка адзначыў, што будаўніцтва АЭС у Беларусі ідзе з апярэджаннем графіка. «Першы блок — з апярэджаннем на месяц, другі блок — месяцаў на 4-5», — сказаў ён.
«Урэгуляваны ўсе спрэчныя пытанні, якія былі па ўмовах работы расійскіх арганізацый», — дадаў кіраўнік «Расатама».