У Сірыі пачаліся прэзідэнцкія выбары, апазіцыя іх байкатуе
У аўторак у Сірыі праходзяць прэзідэнцкія выбары — на фоне крывавай грамадзянскай вайны, што ідзе ўжо тры гады.
Упершыню за 50 гадоў за пасаду кіраўніка дзяржавы разам з прадстаўніком сям'і Асадаў пазмагаюцца два іншыя, ухваленыя урадам кандыдаты, хоць мала хто сумняваецца ў перамозе Башара Асада.
Сірыйская апазіцыя, якая карыстаецца падтрымкай Захаду, назвала гэтыя выбары прафанацыяй і заклікае да іх байкоту.
Галасаванне праходзіць толькі ў раёнах, якія кантралююцца сірыйскімі ўрадавымі сіламі.
Раней афіцыйны прадстаўнік дзярждэпартамента ЗША Джэн Псакі назвала гэтыя выбары фарсам.