Меркель, Аланд і Пуцін абмеркавалі сітуацыю ва Украіне
Прэзідэнт Расіі Уладзімір Пуцін абмеркаваў у суботу па тэлефоне з федэральным канцлерам Германіі Ангелай Меркель і прэзідэнтам Францыі Франсуа Аландам сітуацыю ва Украіне, у тым ліку пытанні, звязаныя з пастаўкамі газу.
Як адзначае прэс-служба Крамля, размова адбылася па ініцыятыве еўрапейскіх партнёраў.
Таксама лідары краін абмеркавалі некаторыя аспекты ўзаемадзеяння па падрыхтоўцы праекта рэзалюцыі Савета Бяспекі ААН па ўрэгуляванні ўкраінскага крызісу.