Польшча выбіла Германію, справа — за Беларуссю
У плэй-оф чэмпіянату свету па гандболе зборная Польшчы атрымала другую перамогу над Германіяй.
Лідар бяла-чырвоных Барташ Юрэцкі нагадвае нечым Сяргея Міхалка.
У суботу, 14 чэрвеня, палякі ў Магдэбургу бліскуча перамаглі з лікам 29:28 (першы матч — 25:24) і едуць на чэмпіянат свету па гандболе, што пройдзе ў студзені 2015 г. у Катары.
Зборная Беларусі свой матч правядзе заўтра, у нядзелю, супраць Чарнагорыі.
Матч пройдзе на «Мінск-Арэне» і пачнецца а 17-й. У першай гульні тыдзень таму чарнагорцы перамаглі з лікам 28:27.
Білеты праз ticketpro.by