Вікторыя Азаранка сенсацыйна вылецела з Уімблдона
facebook.com/wimbledon
У матчы другога раўнду Адкрытага чэмпіянату Англіі па тэнісе беларуска Вікторыя Азаранка (N8) прайграла Баяне Ёваноўскай з Сербіі (№45 сусветнага рэйтынгу) з лікам 3:6, 6:3, 5:7.
Трэба зазначыць, што Вікторыя тры месяцы не брала ўдзелу ў турнірах з-за траўмы, павольна апускаючыся ў рэйтынгу: сёння — 8-ы радок. Таму вялікай сенсацыі тут насамрэч няма.
Год таму на Уімблдоне Азаранка знялася перад матчам другога раўнду, а два гады таму, у 2012 г, дайшла да паўфіналу, дзе прайграла Серэне Уільямс — 3:6, 6:7 (6:8).