Трэція суткі працягваюцца пошукі 12-гадовай жыхаркі Талачына, якая мае псіхічнае расстройства
Трэція суткі працягваюцца пошукі 12-гадовай жыхаркі Талачына (Віцебская вобласць) Насці Габрылёвай, якая мае псіхічнае расстройства, паведамляе адміністратар пошукава-ратавальнага атрада «Анёл».
Дзяўчынка 17 жніўня сышла з дома ў невядомым напрамку. Да гэтага часу пра яе месцазнаходжанне нічога не вядома.
У пошуках задзейнічаныя супрацоўнікі Талачынскага раённага аддзела ўнутраных спраў і работнікі аддзела адукацыі райвыканкама, родныя і сябры, далучыўся да пошуку і пошукава-ратавальны атрад «Анёл».
Пошукавікі просяць грамадзян пры наяўнасці любой інфармацыі аб магчымым месцазнаходжанні дзіцяці неадкладна паведаміць у атрад.