У Гродне стварылася кааліцыя АГП, БХД і РЭП
Гродзенскія абласныя структуры аргкамітэта па стварэнні партыі БХД, Аб’яднанай грамадзянскай партыі, Беларускай сацыял-дэмакратычнай грамады і прафсаюзаў Радыёэлектроннай прамысловасці вырашылі аб’яднаць свае намаганні для больш паспяховай дзейнасці.
Пра гэта паведаміў абласны каардынатар аргкамітэта БХД Мікола Баўсюк. Паводле яго словаў, падпісанне адпаведнага пагаднення можа адбыцца ўжо на гэтым тыдні. Невыключана, што да кааліцыі могуць далучыцца і іншыя структуры, паведамляе прэс-служба БХД.