У Малдове дом старшыні раёна закідалі кактэйлямі Молатава
Дом старшыні Кэушанскага раёна [рэгіён на паўдневым усходзе краіны] Іона Чыанталоя закідалі запальнай сумессю. Інцыдэнт адбыўся мінулай ноччу.
Паводле раённай пракуратуры, каля 02:30 гадзін ночы будынак загарэўся ад кінутых кактэйляў Молатава, а неўзабаве на месца прыбылі экіпажы паліцыі.
У выніку інцыдэнту ніхто не пацярпеў. Сам старшыня раёна каментаваць выпадак адмаўляецца, паведамляе Moldnews.
Чыанталой з'яўляецца вылучэнцам Ліберальна-дэмакратычнай партыі. Фатэль ён заняў у 2012 годзе.