Полацкі следчы распаўсюджваў «спайс» і «марку»
Па падазрэнні ў распаўсюдзе наркотыкаў аператыўнікі ўпраўлення па наркакантролі і супрацьдзеянні гандлю людзьмі УУС Віцебскага аблвыканкама затрымалі жыхара Полацка, паведамляе прэс-служба МУС.
Спецаперацыя была праведзена ў момант «закладкі» псіхатропных рэчываў. Правапарушальнікам быў супрацоўнік аднаго са следчых падраздзяленняў Віцебскай вобласці.
Выяўленыя сумесна з супрацоўнікамі Следчага камітэта ў «закладках» пакуначкі, а таксама канфіскаваныя па месцы жыхарства затрыманага спайсы, «маркі» і аргтэхніка накіраваны на экспертызу.
Па гэтым факце старшынёй Следчага камітэта заведзена крымінальная справа па ч.3 арт.328 КК Рэспублікі Беларусь.
Расследаванне крымінальнай справы знаходзіцца на яго асабістым кантролі і даручана для вытворчасці следчых дзеянняў Галоўнаму следчаму ўпраўленню.
Супрацоўнікамі УУС Віцебскага аблвыканкама і Следчага камітэта праводзіцца комплекс далейшых аператыўна-следчых мерапрыемстваў па высвятленні ўсіх супрацьзаконных фактаў, учыненых затрыманым.