Суд ЗША дазволіў гей-шлюбы яшчэ ў 5 штатах
Рэзанансная справа аб правах гомасэксуалаў, якую ўчора пачаў разглядаць суд, тычылася штатаў Вірджынія, Юта, Індыяна, Аклахома і Вісконсін.
Такім чынам, колькасць штатаў у ЗША, у якіх ўзаконеныя гей-шлюбы, узрасла з 19 да 24. Акрамя таго, Вярхоўны суд звузіў кампетэнцыю судовых органаў штатаў па гэтым пытанні.
Па словах прэзідэнта адной з найбуйнейшых ЛГБТ-арганізацый ЗША «Кампаніі за правы чалавека» Чэда Грыфіна, тысячы пар па ўсёй Амерыцы сёння ж адчуюць на сабе рашэнне суда.