Як медзведзяня заблукала ў аптэцы ВІДЭА
Чорнае медзведзяня, якое знайшлі ў аптэцы горада Ашленд у штаце Арэгон, застанецца зімаваць у цэнтры для жывёл у Вашынгтоне. Там разлічваюць адпусціць жывёліну назад у дзікую прыроду вясной.
Паўгадавое малое важыць шэсць кілаграмаў, да гэтага часу не зразумела, адкуль прыйшло ў горад.
Паліцэйскаму ўдалося злавіць медзведзяня кошыкам для пакупак, калі пакупнікі здымалі малога на тэлефоны.
На аматарскай здымцы відаць, як медзведзяня блукае паміж паліцамі, а затым, убачыўшы чалавека з кошыкам, бяжыць.