Прэзідэнт Афганістана змяніў імя
Прэзідэнт Афганістана Ашраф Гані Ахмадзай вырашыў адмовіцца ад свайго племяннога імя Ахмадзай і стаў Ашраф Гані.
Адпаведнае ўказанне было разаслана канцылярыяй кіраўніка дзяржавы ва ўрадавыя ўстановы і СМІ, паведаміў прэс-сакратар прэзідэнта Файек Ваяхідзі. Змены ўнеслі і ў пасведчанне прэзідэнта.
Ахмадзаі — адно з найбуйнейшых пуштунскіх плямёнаў у Афганістане. Многія яго члены дадаюць назву племя ў канцы імя, каб паказаць сваю племянную прыналежнасць.