Расійскія баевікі пагражаюць захопам Харкава
Баевікі на Данбасе маюць намер стварыць «Харкаўскую дывізію». Пра гэта паведаміў адзін з лідараў сепаратыстаў Харкава Канстанцін Далгоў, перадае агенцтва «Наваросіі».
«Вырашаем пытанне аб стварэнні асобнай харкаўскай дывізіі, а то харкаўчане ёсць ці не ў кожным падраздзяленні ад Данецка да Луганска, а асобнага — няма», — адзначыў Далгоў.
Пры гэтым ён падкрэсліў, што «Харкаўская дывізія» абавязкова вернецца ў родны горад.