Парашэнка прысвоіць званне Героя Украіны ўсім Героям Нябеснай сотні
Прэзідэнт Украіны Пятро Парашэнка вырашыў прысвоіць званне Героя Украіны ўсім Героям Нябеснай сотні.
Пра гэта паведаміў прэс-сакратар Прэзідэнта Украіны Святаслаў Цэголка ў сваім Twitter.
«Прэзідэнт Украіны прыняў рашэнне прысвоіць званне Героя Украіны ўсім Героям Нябеснай Сотні. Пра гэта ён паведаміў сваякам загінулых», — напісаў ён.
Раней Парашэнка зацвердзіў статут і малюнак знака ордэна «Герояў Нябеснай сотні».
Нагадаем, ва Украіне сёння адзначаюць год з пачатку падзей на Майдане Незалежнасці, калі вечарам 21 лістапада 2013 года там сабраліся некалькі сотняў актывістаў з пратэстам супраць рашэння Кабміна Мікалая Азарава адкласці падпісанне пагаднення аб асацыяцыі Украіны з Еўрасаюзам. Неўзабаве гэтая акцыя пратэсту перарасла ва усеўкраінскую масавую і атрымала назву «Еўрамайдан».