Вайна з ісламістамі: 81 забіты ў Нігерыі, 15 авіяўдараў у Сірыі і Іраку
У Нігерыі тры бомбы выбухнулі ў галоўнай мячэці Кана — найбольшага горада на поўначы краіны. Пасля выбуху тэрарысты адкрылі страляніну па верніках. У выніку загінуў 81 чалавек. Імаверна, тэракт учыніла групоўка «Бока харам», якая ваюе супраць хрысціянаў і памяркоўных мусульманаў.
Працягваюцца баявыя дзеянні таксама ў Сірыі і Іраку. Як паведамляе агенцтва Ройтэрз, ад серады авіяцыя саюзнікаў нанесла 15 ракетна-бомбавых удараў па цэлях на тэрыторыі, што кантралююцца самаабвешчанай «Ісламскай дзяржавай Ірака і Леванта».