Памёр былы прэм'ер Бельгіі Тындэманс
Былы прэм'ер-міністр Бельгіі Леа Тындэманс, які атрымаў мянушку Містар Еўропа, памёр на 93-м годзе жыцця.
Тындэманс узначальваў урад Бельгіі з 1974 па 1978 гады. Прычынай адстаўкі сталі супярэчнасці, якія тычыліся франкамоўнай і фламандскамоўнай грамад. Пасля гэтага ён паспяхова балатаваўся ў Еўрапарламент.
Яго падтрымалі 983 тысячы выбаршчыкаў. Гэты рэкорд у Бельгіі пакуль ніхто не перасягнуў.
Тындэманс актыўна ўдзельнічаў у працэсах еўраінтэграцыі, быў ганараваны міжнароднай прэміяй Карла Вялікага.