Навукоўцы навучылі метал адбіваць ваду
Спецыялісты Рочэрстарскага ўніверсітэта (Нью-Ёрк) Чунлей Гуа і Анатоль Вараб’ёў стварылі метал неверагоднай гідрафобнасці, распавядае Sploid.
Гідрафобнасць металічнай паверхні настолькі высокая, што кроплі вады літаральна адскокваюць ад яго, пакуль не трапяць на іншую паверхню.
Відэа параўнання з антыпрыгарным пакрыццём патэльні
Матэрыял створаны з дапамогай лазераў, хаця звычайна для стварэння гідрафобных паверхняў ужываюцца хімічныя пакрыцці. Такі метал дапаможа змагацца з абледзяненнем крылаў самалётаў альбо вырашаць санітарныя задачы.
Навукоўцы распавядаюць, што пачаткова быў створаны максімальна гідрафільны матэрыял, па якім вада расцякалася ледзь не насуперак гравітацыі.