У Мінску ліхтары з’явяцца там, дзе іх ніколі не было
Пра святло ў новых дварах піша «Минск-Новости».
Фота: iswish.deviantart.com
У межах праграмы асвятлення сталіцы свяцільнікі з’явяцца ў раёнах старой забудовы, дзе яны не былі прадугледжаныя першапачаткова.
Як распавёў начальнік тэхнічнага аддзелу «Мінгарсвятла» Мікалай Каралёў, некалькі двароў у розных раёнах Мінска атрымаюць натрыевыя свяцільнікі паніжанай магутнасці на жалезабетонных апорах. Да работ плануецца прыступіць у другім квартале.
Адрасы двароў:
- пр-т Ракасоўскага, 41 і 102,
- вул. Убарэвіча, 56 і 66, к. 2–70,
- праезд між СШ №142 і вул. Шабаны,
- вул. Альшэўскага, 47 і 49,
- пр-т Пушкіна, 71, 75, 77 і 79,
- вул. Матусевіча, 1,
- вул. Прытыцкага, 32,
- зав. Уральскі, 13 і 15.