У Харкаве падчас Маршу адзінства адбыўся магутны выбух, трое загінулі
дададзена
У Харкаве падчас маршу адзінства адбыўся выбух каля мясцовага Палацу Спорту.
Пра гэта з месца падзеі паведамляюць журналісты IT-Sector.
«Калі актывісты выстройваліся калонай, каб ісці ў кірунку плошчы Свабоды, адбыўся магутны выбух. Шэсце паспела адысці літаральна на 100 метраў. На гэты момант вядома аб двух загінулых», — кажа журналістка.
Сярод пацярпелых — актывісты, міліцыянеры.
Пазней прэс-сакратар пракурора Харкаўскай вобласці Віта Дубовік заявіла, што на акцыі да гадавіны Еўрамайдану ў выніку выбуху загінулі 3 і пацярпелі каля 10 чалавек.
У калоне актывістаў спрацавала выбухоўка асколачнага дзеяння, пры гэтым яе тып пакуль невядомы, адзначае РБК-Украіна.